Dipoi l’annunziu di a partenza di u rettore d’Accademia, l’umagii è l’unuranze affluenu nant’à e rete suciale. Tutti salutanu di manera unanima a persunalità è l’azzione di quellu ch’hà marcatu per u sempre u so passeghju à u retturatu. L’interrugazione sò dinù numerose inquant’à e mutivazione di a so partenza. Una decisione ghjudicata bruttale da Gilles Simeoni, è cuntraria à a deliberazione di a Cullettività di Corsica per chì u rettore Paolini sia mantenutu in Corsica.