Evenimentu maestru di l’Alta Rocca, e Medievale di Livia facenu vultà u publicu ind’a storia in core di u paese chì ridiventa una cumuna di u medievu. Butteie di quell’epuca, cavalieri in armatura, ghjuculadori, truvadori è cumbatti cù a spada vi facenu vultà à u XIIIu seculu. L’ambienza hè magica purtata da i custumi di tandu, a musica medievale, i decori curati è da paisani impegnati.

In ste Medievale, oramai arradicate ind’a vita culturale è festiva, u publicu participeghja à a valurisazione è à l’attrattività di u territoriu. Spettaculi, parate, attelli d’artigianatu, cunferenze o mostre, permettenu di scopre un periodu di a storia fundendusi nant’à u ghjocu. In l’Alta Rocca, u medievu hà trasmessu una lascita ricca (chjese rumaniche, castelli, legende, tupunimia…) Cusì, durante trè ghjorni, parate, girandulere, spettaculi di carrughju, animazione musicale, mostre, corsi di balli medievali è attelli ciutteranu Livia in l’universu di u Medievu. U mercatu medievale hè dinù l’occasione di mette in risaltu e tradizione è sapè fà cù a participazione di l’attori lucali. In più, u museu di Livia serà apertu di rigalu durante a manifestazione. Per i zitelli, attelli, ghjochi di tempi fà, escape game, turneu è a bella rota. Pè rinfurzà l’ambienza è participà à a festa, i visitanti sò invitati à vene custumati. Una butteia di lucazione di custumi hà da apre nanzu a manifestazione.

PRUGRAMMA
Venneri u 4 di settembre : apertura à 6 ore, parata à parte da 7 ore, è animazione musicale in centru di u paese à 9 ore è mezu.
Sabbatu u 5 : apertura à 10 ore è mezu, girandulere, mostre è animazione da 11 ore à 7 ore, dopu animazione musicale in centru di u paese à 9 ore è mezu.
Dumenica u 6 : apertura à 10 ore è mezu, girandulere, mostre è animazione da 11 ore à 5 ore, spettaculu di carrughju è ultima parata à parte da 5 ore.