L’associu U Scontru hè incantatu d’annunziavvi a quarta edizione di “I scontri figaresi”. Un festivale chì apre u paese di Figari à e musiche di Corsica è di u mondu. Trà pulifunie corse, musiche di e Balkans, folk mediterraniu è creazione cuntempuranee, i Scontri figaresi vi pruponenu un’immersione in culture musicale fundate nant’à u cantu è a trasmissione. L’evenimentu hè scumpartutu in lochi patrimuniali è paisoli di a cumuna pè una sperienza fundata nant’à patrimoniu, cunvivialità è emuzione. 

A u prugramma :

Mercuri u 9 di settembre in chjesa :I gruppi Fiuminale è Romancero Sefardico cù  Laetitia Marcangeli, Morgan Astruc, Timothée Tchang Tien Ling è Ivan Zec. Musicanti chì mettenu à l’onore u ripertoriu sefaradu sminticatu, quellu di e “rumanze”, ste fole cantate di e tradizione orale è pupulare sefarade di spagna è poruguallu. Quì, u percorsu musicale è pueticu hè un veru dialogu trà Oriente è Occidente pè u viaghju di u publicu da a Spagna à a Turchia è da u Maroccu à i Balkans.

Ghjovi u 10 in u paisolu d’Uddastreddu : u gruppu Cuscenza è u Trio Giancarlo Paglialunga. Stu terzettu talianu vene da u Salento, a regione sudeste di e Puglie pè in viaghju musicale è umanu trà tradizione è emuzione.

Venneri l’11 settembre, cappella di Montilati nant’à a Piazza Longa : ùn sò più cuncerti ma cuncertini (dunque cuncerti intimisti organisati in siti rimarchevuli, cù tastatura di prudutti lucali). Si senterà a chitarrista di musica classica Sandrine Luigi, Felì è Bel Air de Forró (Mariana Caetano è Marcelo Costa, canterina è percussiunistu brasiliani, Yann Le Corre, organettistu brittonu pè una fusione musicale cù organettu, zabumba, un grande tamburu brasilianu è canti calurosi chì v’invitanu à ballà. 

Sabbatu u 12 di settembre, Funtana di Subariacciu : Cuncertini* cù Bouba Kouyaté, autore, cumpunidore è musicante mandingu d’Africa di l’uveste, ricunnisciutu pè a so maestria di a kora, una spezia d’arpa-liutu . Dopu l’ultima serata in Tarabucetta cù i gruppi Vitalba è Yagody, un gruppu di folk chì vene d’Ukraine cù perfurmenze teatrale è rituale, musiche tradiziunale d’Ukraine, ritmi di e balkani è percussione primitive. 

Riservazione : helloasso.com è https://www.iscontrifigaresi.fr/