U SDJES (Service Départemental à la Jeunesse, à l'Engagement et aux Sports) v’invita à e prossime Ghjurnate dipartimentale di l’ACM (Accolte cullettive di Minori) i 21 è 22 di settembre di u 2026 à u Camping du Soleil Levant in Santa-Maria-Poghju.

Stu scontru serà organisatu nant’à dui assi : 

- Luni u 21 : migliurà inseme a qualità educativa di l’ACM

Serà fattu u bilanciu di l’annu è vi puderete sprime nant’à e vostre riesciute, e votre difficultà, i vostri prugetti… Cusì, si saperà e priurità cumune è si rifletterà inseme pè custruì e future azzione di a reta dipartimentale di l’ACM di Cismonte. 

A ghjurnata si pruseguerà cù un apperitivu è un ripastu induve tutt’ognunu deve purtà qualcosa à manghjà o à beie nanzu un escape game cunsacratu à a regulamentazione di l’ACM. A presenza d’omancu un riprisentante d’ogni ACM hè aspettata pè sta prima ghjurnata. Parechji prufessiunali d'una listessa struttura ponu di sicuru participà. 

- Marti u 22 di settembre, sicurisà e nostre pratiche

Sta seconda ghjurnata serà cunsacrata in particulare à i seghjorni di poca durata è seghjorni di vacanze, u so sviluppu è a so valurisazione, a securità di l’accolte è a gestione di i risichi, cù un travagliu cuncretu nant’à i punti di vigilenza à piglià in contu nant’à un locu d’accolta. 

U dopu meziornu, serà cunsacratu à parechji attelli da sceglie, custruiti in particulare à parte da i bisogni è i sugetti ch’è vo averete fattu spuntà durante a prima ghjurnata. Ste duie ghjurnate seranu l'occasione di ritruvacci dopu a statina, di sparte e nostre sperienze è lancià st’annu novu cù l’ambizione di cuntinuà à migliurà a qualità di l’accolte è rinfurzà e leie trà l’attori di u territoriu. E spese di risturazione è d’alloghju seranu scunfinite da u SDJES. Pè di più infurmazione nant’à l’iscrizzione, chjamate nanzu u 14 di settembre à Ailys Choulet, cunsigliera d’educazione pupulare è di giuventù à DSDEN di Cismonte, Direzzione di i servizii dipartimentali di l’Educazione Naziunale, à u 04 95 34 59 56.