Artisti corsi cantanu pè a federazione assuciativa chì gestisce scole d'insignamentu immersivu in lingua corsa. Tutti i benefizii seranu à prò di Scola Corsa, pè sustene l’insignamentu immersivu è a trasmissione di a nostra lingua.

Un ringraziamentu tamantu à tutti l’artisti chì anu participatu à sta bella operata, è in particulare à Michè Dominici pè u so travaglione è u so impegnu à prò di Scola Corsa.

È sò numarosi intornu à ellu : Stefanu Travaglini, Nicolas Zimako, Fabrice Andreani, Paul Cesari, Francè Zito, L’Arcusgi, Cleo Marielli, Arnaud Martini, Ceccè Brunini, Laurent Matteacccioli, Ghjuvan’Camellu Pasquali, Carl’Andria Dominici, Battì Capai, Ghjuvan’Federicu Terrazzoni, Lia Dominici, Matteu Di Meglio, Suarina.

Cumprate a lea numerica, vale à dì cù l’ascoltu cuntinuu senza limita nant’à l’appiecazione gratisi Bandcamp, è un scaricamentu di qualità per MP3, FLAC. Dispunibule in 24 bits/48 kHz. Inseme, femu campà à Scola Corsa ! Quì a lingua si campa, ghjè à tempu toia è meia ! Fighjate, ascultate, spartite è fate girà !