E leie trà l’omi di u centru di succorsu di Cervioni è a pupulazione lucale si sò ancu di più rinfurzate cù l’organisazione d’un city-trail à prò di u Téléthon, pè un evenimentu sulidariu in core di a cumuna. Curagiu, rispettu, sulidarità è umilità sò i valori essenziali chì i spinghjifochi di Prunete volenu trasmette. Tutti anu in core di valurisà e so missione è di mantene a leia chì unisce e generazione. L’annu scorsu, anu organisatu un primu city trail chì hà addunitu più di 400 participanti scumpartuti trà a marchja è a corsa nant’à 8 chilometri. 

In più d’organisà un evenimentu à prò di u Téléthon, a manifestazione hà permessu d’animà u paese à livellu spurtivu è festivu è induve a pupulazione hà participatu numerosa. Un primu city trail cù u sustegnu di l’ADECEC è Voce Nustrale, Ghjuventù Cerviuninca. 10 000 euri sò stati racolti à prò di u Téléthon, grazia à a generusità di i cumercianti è artigiani. Dunque, era nurmale d’organisà un secondu city trail è quist’annu serà sabbatu u 28 di nuvembre.

4 ore – A marchja sulidaria à prò di u Téléthon

6 ore – Corsa nant'à 8 chilometri

Iscrizzione : https://www.sportimers.com/events/city-trail-de-cervioni