
8 di dicembre 1966 – 8 di dicembre 2026 : U settimanale naziunalistu Arritti ! v’invita à festighjà u so anniversariu sabbatu u 21 di nuvembre à u spaziu culturale Carlu Rocchi in Biguglia, è venite numarosi à sparte sta stonda d’amicizia !
• 2 ore è mezu. Prughjezzione di u filmu « Nom : Simeoni, prénom : Max – une vie au service de la Corse » rialisatu da Pierre Dottelonde. Seguitatu da un dibattitu cù a sala, Pierre Dottelonde, Ghjuvan Carlu Simeoni è François-Joseph Negroni, autore di l’assaghju « Les héritiers d’Aleria ».
• 6 ore. Dibattitu « L’autonumia di fronte à u sviluppu di a strema diritta in Europa », animatu da Antonia Luciani, presidente di a Fundazione Coppieters (prumove a ricerca pulitica è a riflessione nant’à a diversità culturale, i diritti di e minurità, u dirittu à l'autodeterminazione di i populi è i prucedimenti demucratichi in Europa).
– Spostu è intruduzzione : Andria Fazi, maestru di cunferenza à l’Università di Corsica
– Situazione in u Val d’Aoste cù Alberto Bertin, anzianu presidente di u Cunsigliu di u Val D’Aoste da u 2020 à u 2025 ; cercadore à a Fundazione Emile Chanoux.
– Situazione in Catalogna cù Oriol Cazes, assistante parlamentare à u Parlamentu europeu, secretaria di l’Allienza Libera Europea.
– Situazione in Corsica cù Marie-Antoinette Maupertuis, presidente di l’Assemblea di Corsica, membra di u cumitatu di e regione in Bruxelles. Dibattitu cù a sala.
• 9 ore è mezu. Grande serata culturale ingiru à Minicale è Marc’Andria Castellani, numerosi musicanti è artisti canteranu e canzone e più famose di u ripertoriu corsu durante st’ultimi sessant’anni : Maì Pesce, Ceccè Pesce, Petru Santu Guelfucci, Michela Sammarcelli, Felì, Michè Dominici, ecc. Infine, u spettaculu serà cunclusu da u gruppu Eppò.