|
Natale hè una festa religiosa cristiana celebrendu ogni annu a nascita di Ghjesù Cristu, cumemurata da uffizii religiosi speciali, scambii di rigali è auguri. Hè dinù un ghjornu festivu, u 25 di dicembre, in numerosi paesi di tradizione catolica o prutestante, è u 7 di ghjennaghju in i paesi di tradizione ortodossa. Bellu nanzu à l'apparizione di u cristianismu, l'epuca di u sulstiziu d'invernu era digià un periudu di l'annu adduniscendu numerose credenze in quant'à a fertilità, a prucreazione è l'astronumia. Dunque, ci eranu numerose manifestazioni.
A festa ghjudea di Hanoucca, cumemurendu a seconda inaugurazione di u Tempiu di Jérusalem prufanatu da i Grechi, hè stata fissata à u 25 di u nuvesimu mese lunariu, chjamatu « Kislev », vicinu à u sulstiziu d'invernu. U primu Livre des Macchabées insiste nant'à a primura di sta data è di sta celebrazione. I Rumani festighjavanu e Saturnali : capunanzu, da u 17 à u 21 di dicembre, è da u 17 à u 24 di u listessu mese, l'omi è e donne purtavanu ghirlande ingiru à u collu è s'uffrianu rigali. A ghjente sacrificava dinù simbulicamente un manicchinu riprisentendu un giuvanottu, è vulianu cusì trasmette a vitalità di u persunagiu à l'annu novu. U calendariu ghjulianu, rifurmatu da Jules César, cerca à stabilizà l'equinossu di veranu à u 25 di marzu è u sulstiziu d'invernu à u 25 di dicembre. Sott'à l'imperu rumanu, u 25 di dicembre diventa a festa di u « sole invintu » (sole invictus) cù una di e divinità sulari riprisentata da un ciucciu natu pocu fà.
|
||||||||||||||
I populi preistorichi aduravanu a luce è avianu custruitu tempii aiutendu à capì a ghjunta di e stagioni ind'è i primi agricultori europei, vale à dì l'omi di u Neoliticu. In u tempiu megaliticu di Newgrange, in Irlanda, a luce di u sole entre solu u ghjornu di u sulstiziu d'invernu. D'altrò, i Celti facianu tamanti fochi à i sulstizii pé luttà contr'à u bughju. Difatti, eranu impauriti da sti periudi foschi, quandu u ghjornu era menu longu chè a notte, ma à tempu, sapianu chì, à mumentu datu, u sole avia da scaldà a terra è e piante.