U miraculu di Natale
U Natale di Petru
I culori di Natale

 

 

 

 

 

 

I culori di Natale

Bianche di neve e muntagne
è si sentenu e campane.
Biancu u Bambinu in presepiu,
vene di nasce u « Messageru »
Bianca hè a barba di seta
di « ziu » chì fala sta sera.

Natale biancu, biancu Natale
hè di Natale u culore.
Natale biancu, biancu Natale
hè u culore di l’amore.

Rosse e palle di caracutu
U ghialcu hè tuttu vestutu.
Rossa hè a vestura di quellu
chì porta à ogni zitellu.
Rossi di carta i rigali
Tantu aspettati per Natale.

Natale rossu, rossu Natale
hè di Natale u culore.
Natale rossu, rossu Natale
hè u culore di l’amore

Oru a stella chì spampilla
in sta notte di maraviglia.
Ora u focu sciappitteghja,
hè u cumpagnu di a veghja.
Oru in core, femu casu,
à quellu chì hè malavviatu.

Natale oru, oru Natale
hè di Natale u culore.
Natale oru, oru Natale
hè u culore di l’amore

Jean-Pascal, Sté, Seb