U me paese à li primi ghjorni d'aprile
Hè sempre quellu di u dolu è di i nivuli
U me paese à li primi ghjorni d'aprile
U me paese pare sempre un vichjarellu

Mi pare sempre un veru vichjarellu
Cù u so mantellu di tetti rebosi è grisgi
Mi pare sempre un veru vichjarellu
Cù issi bracci di terra stellati à croci

Cù issu bracci di terra stellati à croci
Chì portanu ghjà i primi talavelli
Cù issi bracci di terra stellati à croci
Chì verculeghjanu i tondi agnelli

Chì verculeghjanu i tondi agnelli
À lu tempu impastatu di caccavelli
Chì verculeghjanu i tondi agnelli
Cum'ellu verculeghje un zitellu

U me paese pare quasi un zitellu
Quandi a fresca natura sbucce è ride
Quand'un diu biancu si ne colla in celu
À lu sole di li primi ghjorni d'aprile